【Emily】恆大搞家長日 盼支援新生學習適應

【明報專訊】恒生大學上星期六（21日）舉辦家長交流日，邀請新生嘅家長到校園，了解大學「博雅＋專業」嘅獨特教育模式同未來發展，並由校長、副校長、學院院長、學系老師即時解答家長嘅問題。

恒生大學校長何順文教授就話，家長交流日係恒生嘅傳統活動，又話佢哋係少數舉辦家長交流日、主動同家長溝通嘅大學，透過呢次活動，大學可以加深對學生家庭嘅了解，仲可以增强同家長嘅溝通，進一步支援學生嘅學習進度同體驗。

兒行千里母擔憂，何順文仲引述一個內地生家長話，佢個仔喺學習上遇到困難，擔心通過唔到部分考試，經過在場教師嘅解答之後，對方了解到大學設有語言中心幫助學生提高語文能力，仲有唔同支援，減少咗憂慮。何又提醒家長要多關心同鼓勵仔女，一齊培育佢哋克服逆境嘅能力。