【Emily】親子齊睇微電影 教家長反思育兒方法

【明報專訊】學童精神健康同家庭關係密不可分，團體「愛望基金」前日（28日）舉辦活動，安排約500名本地包括少數族裔嘅小學生和家長參與，活動設工作坊，畀小朋友同家長一齊睇微電影《留聲》，讓家長藉電影內容反思自己日常同仔女嘅相處方法。《留聲》係講述一名10歲男孩喺祖母去世後經歷悲痛、困惑，當中帶出小朋友常見嘅心理困擾和需要，講到孩子同父母爭拗及雙方復和嘅過程。

參加者睇完電影後，基金安排家長教育研討會，由教育專家向家長分析劇情、解答佢哋面對育兒嘅挑戰，以及指導家長運用正向育兒技巧，學習改善親子關係。出席活動嘅勞工及福利局長孫玉菡話，正向家庭教育十分重要，愈多人有正向教育嘅知識，對社會有長遠好處。

愛望基金由新世界執行副主席兼行政總裁鄭志剛始創，其太太、基金董事鄭余雅穎就話，希望透過活動喚起家長育兒嘅初心，建立快樂家庭。