【Emily】港大PR提教職員 傳媒提問轉處方

【明報專訊】港大校委會同校長出現紛爭，呢期搞到鬧哄哄，校內外都關注，包括本報在內嘅傳媒，連日有不少報道，及引述校內人士評論，而港大傳訊及公共事務處噚日就向校內人員發電郵提醒，建議話由佢哋統一應對傳媒。

根據Emily收到由傳訊及公共事務處署理總監李天帆（Paul）向教職員發出嘅電郵，當中提及近期傳媒連串關於大學行政事宜嘅新聞報道，提醒如果教職員收到傳媒「任何提問」，都建議轉介畀傳訊處處理。Paul又呼籲，港大同事可以信賴傳訊處恰當地處理傳媒提問，「共同為大學最佳利益行事」。

值得一提，Paul都係港大校友，返港大任職前喺內地從事廣告業多年。佢讀書時住聖約翰學院，?家繼續擔任學院助理院長。