【Emily】民建聯提25政策鼓勵生育 倡流產假

【明報專訊】本港生育率持續偏低，民建聯5個議員噚日向政府提出25項鼓勵生育政策倡議，包括增加資助輔助生育服務、延長卵子冷凍期限到30年、制訂育嬰假同流產假，另提供各類育兒補貼等，例如一筆過向新生嬰兒提供1萬元獎勵、每年向兒童派2000元作為兒童醫療券，以及成立「新生代嬰兒基金」為每個新生兒童開設戶口，由細開始累積資本，到18歲就可以提取。

葛珮帆話，政府?家「只靠引入外來人口並唔健康」，香港好多女性喺20至30歲會專注事業，等到穩定同物色到結婚對象，「可能已經30到尾，想懷孕極難」，建議政府畀多啲輔助生育服務。

顏汶羽就建議設立育嬰假同「流產假」，同埋向僱主提供津貼，令產假、侍產假由?家補貼八成加到全薪；「新手媽媽」林琳就覺得有需要加設哺乳室同育嬰室，同埋加強對女性僱員產後保障。

周浩鼎同李世榮亦分別提議延長託兒服務時間至周末同公眾假期，同埋設立1萬元新生嬰兒津貼、2000元兒童醫療券等。