【Emily】「港深湘連睇條鐵」 鐵路迷近距離參觀

【明報專訊】立法會議員張欣宇噚日喺社交媒體分享，話8月中佢同一班鐵路迷參加「港深湘連睇條鐵」鐵路交流活動，北上追鐵。鐵路迷參觀咗港鐵（深圳）及湖南中車株洲電力機車有限公司，走入地鐵車務控制中心同生產車間睇地鐵車輛製造同運作，及體驗臥鋪火車等。

張欣宇話活動以參加者為本，唔做「打卡式」活動，相信能夠影響更多人同事。團友Jim話，參觀控制中心好驚喜，「以為好似青衣站咁喺個樓頂度觀察，原來可以直接行入去，睇嘅距離更加近」，見識到有好多個車站、用上超長熒幕嘅深圳鐵路路線圖。

同行嘅立法會議員楊永杰話，見到內地有鐵路有唔同技術解決問題，例如已發展市區入面嘅中低客流量集體運輸系統，今次考察咗佢哋嘅技術，再去為特區政府提供更好建議，以解決本港喺建造軌道方面嘅困難。