澳門開騷被觀眾命令講國語 陳奕迅：你聽唔明咪算囉

【明報專訊】陳奕迅（Eason）在澳門舉行9場《FEAR AND DREAMS 世界巡迴演唱會》，前晚首場演出，其間發生小插曲，Eason在傾偈環節說，在靜的環境中有觀眾不停嗌，應留待傾偈位才嗌。他想分享演唱會帶出的意義，無奈被觀眾狂打斷，他說：「我知你哋特別熱情，但係我個騷，每首歌都係一個連貫舞台劇，我唔會畀你哋影響到我，我要好集中去用歌講故仔。?家係演唱會，唔係傾偈會。」

此時突然有觀眾以命令式語氣大叫：「講國語！」接着又有人叫：「講普通話！」Eason以泰文打招呼，然後說：「我想講什麼語言就講什麼！我可以講國語，可以很流利！你可以要求，你可以『唔該』，『請』，『麻煩你』，大家唔好誤會，就算今日有人咁樣叫我講英文，我都一樣會叫佢shut up！你聽唔明咪算囉！」全場觀眾即拍掌歡呼，他又說：「如果David Bowie喺度唱，你會唔會叫佢講國語！講廣東話呀！奇怪，我都係塞番耳塞算。」

Eason不肯被命令講國語惹熱議，更成為熱搜，佔99%支持他講廣東話，有澳門網民留言讚同道：「我哋澳門一向講粵語！聽唔明不要來。」亦有斥該觀眾沒禮貌，令Eason不開心。

娛樂組