【Emily】潭尾建造業外勞宿舍入伙

【明報專訊】建造業輸入勞工計劃首輪批出咗4680個配額，連同補充勞工計劃就共批出5480個配額。建造業議會噚日宣布由元朗潭尾社區隔離設施改建而成嘅中央外勞宿舍正式啓用，首批約50名建造業輸入勞工喺剛剛嘅周一抵港同入住宿舍。建造業輸入勞工宿舍行政總裁湯熾忠仲同工友會面，歡迎佢哋加入宿舍大家庭。

建造業議會話宿舍喺10月中完成改造，議會承擔宿舍建造同營運責任，亦會協調管理膳食交通等安排，照顧工友需要。

宿舍提供1800個單位，可以畀約7000人住，管理團隊會同僱主為勞工安排公餘活動同交通，出行會採取分流同分時段安排。宿舍亦有洗手間、淋浴間、茶水間、醫療服務室、公共活動空間，仲有籃球場、桌球台等康樂設施。