【Emily】10年翻一番 網購比率47% 主要用途由買飛變買日用品衣履

【明報專訊】電子消費方式愈來愈普及，政府統計處調查發現，15歲及以上嘅人網上購物比率，由2012年24.4%大增至2022年46.8%，購買嘅物品同服務都好大變化，10年、20年前，市民主要喺網上購票，時至今日，網購日用品、衣服鞋襪已成為主流，喺去年統計期間，表示過去6個月曾網購呢類物品嘅人有235.6萬，比率達82.9%；其次係購買食品、飲品（見表）。

統計處話消費券助推電子支付

網購同流動支付息息相關，統計處發現，15歲及以上者喺統計前12個月內曾用流動支付嘅比例，由2020年49.4%上升至2022年60.2%，統計處話政府推出電子消費券有助推動電子支付。睇番統計處分析，25歲至34歲群組曾用流動支付嘅比率最高（89.3%），65歲及以上者嘅比率只有16.8%，明顯較低。

至於智能手機就幾乎人人有用，2022年約有620萬名10歲及以上者擁有智能手機，滲透率由2012年54%升至2022年97.1%。65歲及以上者有智能手機嘅比率唔低，有90.7%。

統計處定期做住戶調查，問唔同種類問題，編成《香港統計月刊》，而11月號月刊就探討資訊科技喺社會上最新發展。