【Emily】兩日演習 港部門駐軍模擬墜機救援

【明報專訊】民航處等部門一連兩日喺香港海面舉行搜救演習，噚日演習歷時一個鐘，動員約250人，演習模擬一架直升機喺西貢牛尾海墜毁，喺解放軍駐港部隊、政府飛行服務隊、警務處及消防處派出船同直升機合作下，救起機上全部4人。其他參與演習部門包括海事處、民安隊、醫療輔助隊同天文台。

今南中國海演習長程搜救

今日民航處會喺本港以東約50海里嘅南中國海演習長程搜救，除咗飛行服務隊等本港部門外，解放軍駐港部隊、中國交通運輸部南海救助局、廣東省海上搜救中心等都會參與。

民航處發言人話，定期籌辦搜救演習能加強搜救單位搜救時嘅合作同協調，一旦遇上緊急事故，確保能迅速有效應對；演習亦可加強訓練航空交通管制員、空勤人員等熟習各種搜救技巧。