【Emily】88年前「不畏艱」報道長征 李家超籲新傳媒人學范長江

【明報專訊】特首李家超噚日喺「范長江行動」10周年慶典系列活動視像致辭時話，已故中國記者范長江係中國報壇巨人，喺1935年開展咗10個月考察，走遍國家西北地區採訪，報道紅軍長征，展現出記者不畏艱苦、為國立言嘅崇高情操，值得新一代傳媒人學習。

佢話「范長江行動」為本港青年提供學習經驗，培育愛國愛港嘅傳媒新力量，至今已安排逾700個香港大專院校學生重踏范長江足迹，並以記者視角了解國家歷史文化同發展，從而建立對國家嘅正確認識同國民身分認同。

李家超又話，《施政報告》提出全力開展愛國主義教育，也需社會各界一同貢獻力量。佢形容「范長江行動」係示範作，將愛國教育融入專業培訓，讓香港青年成為心懷家國、有德有才嘅未來棟樑。