【Emily】稱葉劉從未要求撤兩蚊搭車 政助廖添誠黨員身分受訪

【明報專訊】長者享2元乘車優惠，政府財政負擔日益增加，部分議員認為當局應檢視安排。屬新民黨嘅創科局政治助理廖添誠有官職在身，但罕有接受網媒「幫港出聲」訪問，以黨員談論政黨事務，為黨主席葉劉淑儀澄清，強調新民黨從未要求取消2元優惠。

早前有意見質疑新民黨要求取消兩蚊搭車優惠，葉劉淑儀早於11月澄清無相關建議。「幫港出聲」日前喺facebook發片，廖添誠罕有以新民黨成員身分受訪，再為葉太澄清。

過去甚少具政黨背景嘅問責官員為所屬政黨事務表態，Emily噚日向廖添誠了解情况，至截稿前未獲回覆。佢喺短片表示，葉太從未要求取消優惠，只係認為要從多方面考慮如何運用社會資源，集中資源就可以幫更多有迫切需要嘅市民。睇番負責兩蚊乘車優惠嘅勞福局，政助傅曉琳同屬新民黨。