【Emily】「南下」上水做義工 深圳大學生票站外助打卡

【明報專訊】為鼓勵市民投票，政府噚日喺票站旁設「打卡位」畀市民拍照留念，Emily噚日下晝喺上水港鐵站附近嘅「鄰近邊境投票站」外，發現數名身上掛有「北區青年協會」名牌嘅義工以普通話交談，其中一人拎住印有「歡迎拍照留念」嘅牌。Emily上前了解，佢哋話自己係深圳大學嘅學生，受深圳大學學生會召集來港做義工，喺票站外協助市民投票同打卡，另一義工話自己有權投票，噚日來港後投票，然後喺票站外做義工。

該票站不遠處有一個由「在深港人愛國聯誼會」設立嘅街站，籲市民投票，街站顯示一個二維碼，用手機掃描該碼會顯示一份申請表，需填寫中文全名、內地手機號碼及大灣區居住地區等資料，仲要回答係咪已登記做選民。Emily原本想向佢哋查詢，但佢哋喺下晝4點已收檔離開。