【Emily】觀塘「自由空間」辦聖誕嘉年華

【明報專訊】市建局早前申請將觀塘市中心重建項目範圍內嘅土地用作臨時及短期活動用途，並開放畀市民使用。市建局行政總監韋志成噚日喺網誌話，將於周六（16日）啟動第二階段嘅「冬日熊出沒@觀塘」活動，並於同仁街與協和街交界嘅「自由空間」用地，舉辦戶外聖誕嘉年華；同時「自由空間」其他範圍嘅優化工程，包括開闢寬闊行人通道及以藝術裝置美化用地等工程，預計於農曆新年前逐步完成。

市建局觀塘市中心用地早前流標。韋志成又話，市建局於今年初決定收回觀塘市中心發展項目招標後，已即時考慮喺籌備項目重新招標嘅期間，盡快將土地開放。最終市建局於今年中委聘顧問，就「自由空間」嘅用途、設施和活動種類做街頭問卷調查，收集逾700名市民意見，並喺設計戶外「自由空間」佈局時，以「以人為先」理念出發，並將土地劃分為「動態」如多用途活動場地、「靜態」如設觀塘特色藝術裝置嘅經典，及「貫通」市中心嘅三大區域。