【Emily】黑武士異形鐵甲俠 殺入科學館科幻展

【明報專訊】政府提出將尖沙嘴科學館搬去沙田，原址轉做國家發展與成就館。科學館館長（展品）袁月寶噚日被問到搬館，佢話係好事，仲力銷沙田位置一流， 「?家沙中線（屯馬線）都好方便，我自己都係住沙田」。佢又話科學館都落成咗30幾年，展館有啲舊，如果有更大嘅地方、有更多空間發展，可能都係好事。

科學館今日起至明年5月29日推出新專題展覽「科幻旅航」，展品包括拍攝《智能叛變》用嘅NS-5機械人、全球只有12個由《異形》設計師私伙模具製作嘅異形複製品、有演員親筆簽名嘅《星空奇遇記》船艦「企業號」複製品、長壽電視劇集《異世奇人》外星人戴立克嘅複製品、《星球大戰：新的希望》黑武士頭盔複製品、《鐵甲奇俠》MARK III裝甲複製品。展覽由6個沉浸式展區組成，分別透過多件與科幻電影、文學和藝術作品相關嘅展品，探討科幻作品中唔同主題。