【Emily】賀一誠：賭收11月已達標 爭連任否？ 「未列工作安排」

【明報專訊】澳門政府噚日慶祝回歸24周年，澳門特首賀一誠（圖）公布利好數據，話偉大祖國繁榮富強，為澳門打開更美好嘅發展前景，有理由對澳門未來更加充滿信心。澳門特首選舉明年舉行，賀一誠被問及會唔會競逐連任時，話呢方面仍未列入工作安排，到時有考慮再向外公布。

賀一誠噚日向傳媒表示，澳門政府博彩收益11月已達到1600億澳門元嘅預算，今年只剩下10日，應該可以超過1800億澳門元，希望明年賭收可達2160億澳門元。佢又話，社會各方面正復蘇，但與2019年比較只達70％水平，有百分之三十空間要做工作，又話知道復蘇唔均衡，?家旅遊業同遊客較多去嘅街道復蘇成果好好，但有啲區域可能未復蘇，所以要諗方法推動。

明年係澳門回歸25周年，賀一誠話會精心策劃、組織一系列慶祝活動，全面展示一國兩制偉大成就和光明前景。