【Emily】致敬毛澤東 吳秋北臨摹書法

【明報專訊】噚日係中共前領導人毛澤東誕辰130周年，毛澤東家鄉湖南韶山就好熱鬧， 唔少人喊「毛主席萬歲」。身兼港區人大代表嘅工聯會會長吳秋北一直係毛主席嘅粉絲，噚日佢喺facebook貼出自己嘅書法，其中一個帖文話自己「臨摹主席的字，學習主席精神」，佢講嘅主席就係毛主席。佢上載嘅相入面有一張署名毛澤東嘅書法，寫住「東風壓倒西風」，另一幅圖就似係吳秋北臨摹嘅作品。吳秋北仲話，國人要有自信，要有改天換地、開天闢地、驚天震地嘅魄力。

佢喺另一帖文話，噚日係人民領袖、中國英雄、世界偉人毛澤東誕辰，要向佢致敬，盛讚毛主席嘅思想喺新時代同樣閃耀住不朽光輝，仲希望喺毛澤東嘅感召下，願全世界勞動人民聯合起來。帖文亦附載佢嘅墨寶，上面寫嘅係毛澤東另一句語錄「站在最大多數勞動人民的一面」。