【Emily】同心村賀聖誕 何永賢睇小朋友行catwalk

【明報專訊】房屋局長何永賢較早前應邀探訪元朗東頭嘅過渡房屋「同心村」，噚日佢喺社交媒體分享當日提早同居民慶祝聖誕嘅喜悅。何永賢話同心村營運一年多，居民明顯熟絡咗好多，當日氣溫雖然轉冷，但無阻居民到村內大廣場觀賞聖誕樹亮燈儀式。

「同心祝福聖誕夜」有唔少具創意同凝聚力嘅活動，包括唔同年齡層嘅居民表演打非洲鼓、小朋友著上家長設計嘅環保服裝行catwalk、童聲共唱頌主恩；亦有居民義工分享同頒獎禮，肯定佢哋嘅努力之餘，亦重溫鄰里之間嘅點滴。何永賢話見到居民笑容同活潑嘅小朋友，樂也融融嘅場面，令佢同營運機構聖公會格外感受到推展呢個項目嘅意義。

房屋局副局長戴尚誠上星期亦去咗啟德車站廣場，睇另一個過渡房屋營運機構「齊惜福」嘅攤位。攤位教小朋友利用廢物創作環保聖誕樹。根據齊惜福facebook，位於啟德沐朗街1號、?家興建緊嘅過渡房屋「啟福居」明年落成，租住方法遲啲會公布。