【Emily】深圳團近爆滿 東瀛遊加開惠州山姆團

【明報專訊】唔少港人近期鍾意去內地「山姆超市」掃貨，東瀛遊上星期推出嘅1月份深圳團，噚日已經幾乎額滿，超過3000人報名。有見咁受歡迎，東瀛遊決定乘勝追擊，加開1月出發嘅「惠州山姆超市2天團」，兩天團團費照舊每人429元起，東瀛遊執行董事禤國全仲話，日後會推出更多大灣區觀光同方便購物嘅短線遊 。

參加者每兩名團友獲贈一張一年會籍嘅超市會員卡，價值260元人民幣，有專車駛到超市門口，方便團友血拼。禤國全話，繼深圳後，相信惠州都係港人北上熱點之一，旅行團主打經濟實惠吸客，而為迎合市場氣氛，日後會推出大灣區觀光同方便購物嘅短線遊 。

除咗去山姆超市外，行程仲會包食住玩，包括到訪打卡熱點「田園花海」，入住度假酒店同品嘗粵東客家三寶宴等。