【Emily】航班遭國泰取消 陳克勤：好彩有高鐵

【明報專訊】國泰航空自上月接連取消多班航班，令不少乘客大失預算，民建聯主席陳克勤亦成「受害者」，佢噚日話本來訂咗機票去福建廈門參加政協會議，前晚被通知航班取消，「好彩有高鐵」，令行程不至受影響，仲話高鐵不止票價穩定，仲比好多飛機準時、舒適。

原本來回3500元 現高鐵去飛機返平逾半

陳克勤同Emily講，原定星期四離港，前晚11點幾收到國泰通知取消航班，稍為好彩嘅係有3、4日再安排交通。佢仲話今次有啲因禍得福，原來嘅來回機票要3500元，比朋友買嘅1500元貴一截，?家改為高鐵去、飛機返都係約1500元。陳克勤話，連埋提早去機場辦登機手續嘅時間，兩種交通工具所需時間相若，所以日後去內地中短途，可能都先考慮高鐵。

對於國泰連番取消航班，陳克勤希望能夠盡快改善，否則對國泰嘅企業形象以至香港嘅國際形象都有影響。