【明報專訊】中聯辦前副主任譚鐵牛喺2022年9月調返內地，出任南京大學黨委書記後，喺香港都少聽到佢嘅消息，馬會公司事務執行總監譚志源日前就去咗南京大學，並拜會譚鐵牛及合照。60歲嘅譚鐵牛喺2016年調派來港工作，當年主管涉及教育同科技範疇事務。譚志源今次北上，係因為南京大學社會學院向佢頒授客座教授名銜。
譚志源形容獲南京大學垂青係「人生中的一個高點」，佢接受頒授儀式後，與不同學院院長及教授就政府治理、公益慈善、共同富裕等議題交流意見。佢又同3名從香港到南京大學讀書嘅學生見面，聽聽佢哋學習及生活情况。
