【Emily】赴新聞聯晚會 李家超籲傳媒團結主動反抹黑

【明報專訊】香港新聞工作者聯會噚晚舉行與各界聯歡晚會，特首李家超出席，佢致辭時提及對傳媒嘅3個期望，其中話西方一啲政客、媒體抹黑香港，話香港新聞工作者更應「團結起來、主動起來、專業起來」，向世界說好香港故事，反制嗰啲針對香港嘅抹黑同攻擊。

李家超又提到會完成《基本法》23條立法，話宣揚維護國家安全，媒體必然擔當重要角色，期待新聞工作者嘅報道，可加深市民認識國家歷史文化和現實國情。最後佢提到，希望傳媒成為政府與市民嘅溝通橋樑。

新聞聯1996年成立，現由全國政協委員、大公文匯傳媒集團董事長、總編輯李大宏出任主席，聯歡晚會喺海洋公園萬豪酒店舉行。

李家超讚揚新聞聯一直堅持愛國愛港，多年來辦活動提升新聞工作者專業水平。