【Emily】M+山水展 藉藝術反思與自然關係

【明報專訊】M+博物館下月3日推出新專題展覽「山鳴水應」，展出近130件作品。M+ CHANEL流動影像主策展人蘇筱琪話，展覽以流動影像、 雕塑、聲音同建築等當代藝術媒介交織互映，令人反思同自然嘅關係。今次展品會好似香港不斷變化嘅山水咁，定期輪換。

M+話「山水」遠超肉眼可見嘅風景。入場觀眾會大飽眼福，展覽匯聚好多藝術家嘅作品，包括郭鴻蔚、靳埭強同安娜．曼迪耶塔等，喺藝術同思想層面作詮釋；中宮島達男嘅LED裝置，以及劉窗等人嘅大型錄像裝置，喚起當代城市同數碼世界嘅新山水；展覽亮點仲包括一座雕塑花園，展出野口勇嘅鍍鋅鋼雕塑，以及王嘉佳製作嘅聲音裝置。

展覽分九大主題，包括「宇宙觀」、「此岸彼岸」、「體驗時間」同「光與聲」等，探討媒介間嘅呼應。展期兩年，到時展廳內外會有一連串公眾活動同M+戲院嘅特別放映節目。M+話持有標準門票就可睇到展覽。