娛樂
家人驚喜補祝生日 92歲胡楓想再開紅館騷破紀錄
【明報專訊】胡楓（修哥）昨日獲家人與一班圈中好友送上驚喜生日會，補祝日前92歲生日，曾孫們更賣口乖祝修哥29歲生日快樂。羅蘭、伍仲衡和楊詩敏（蝦頭）與修哥的曾孫齊唱生日歌，伍仲衡特別將鍾鎮濤的《讓一切隨風》改歌詞，自彈自唱為修哥賀壽，修哥禮尚往來祝新婚的伍仲衡三年抱兩，又表示每年生日食蛋糕及壽桃包食到好飽。
修哥透露以為慶祝曾孫畢業，沒想到原來家人為他舉行神秘生日會，「邊個約我都推，諗住來和曾孫玩下，原來唔係，屋企人專搞驚喜，來到當然好開心，最難得一班後生為我花心思」。修哥笑稱4個曾孫有份用利市錢為他舉辦生日會，「即係要我畀錢，我要畀返錢曾孫」。問到生日願望？他說：「自己、家人及朋友健康兼順利。」
日前於黃凱芹慈善演唱會獲全場大合唱生日歌祝壽，修哥說：「我都唔知點解去睇演唱會，又同我唱生日歌，我非常之開心，我咪唱番兩句回敬下囉。」問修哥想不想再開紅館騷？他說：「想，不過唔知有冇人請之嘛！喺紅館唱歌梗係開心。」曾以90歲高齡，第5度踏紅館舞台開騷破香港紀錄，修哥說：「我仲想繼續破落去㗎。」
