九巴前日招標請人拆毁或出口8架由中國青年汽車集團製造嘅單層超級電容巴士，引起網民討論。當年九巴只喺兩條短途線，包括沙田嘅284同啟德5M線試驗過呢款巴士，九巴今日（3日）向Emily補充，話九巴2014年起獲政府資助買咗8架超級電容巴士，之後安排過服務短程路線，但整體表現未能完全滿足營運需要，加上巴士製造商2019年停運，提供唔到零件及維修工作，所以九巴考慮成本效益，同環保署商討，最終獲署方批准，放棄呢批超級電容巴士。
九巴強調，一直決心發展綠色運輸，自2022年起有近52部新一代單層和雙層電動巴士陸續投入服務，?家行緊超過20條路線，表現令人滿意，有信心繼續擴展綠色巴士車隊。
