【明報專訊】立法會社福界前議員邵家臻最近將再出新書，書名為《字裡囚間：明就明唔明就黎明》，由噚日起至大年初三（12日）預購。阿臻喺社交平台提到，佢由年前生日開始，每日寫一篇文，或長或短，由原初嘅讀書報告，到後來嘅靈修心得都有寫，寫畀自己、同道、牆外嘅人，「更是給這時代」。
書本介紹提到自己「膽小、謹慎、孤獨的走在探監的路上」，生怕腳下嘅蛇，又怕天上嘅鳥和突然出現嘅人，於是讀佢嘅寫作，「不要在乎我寫了什麼，而在乎字裡行間想講什麼」。又話本書會按迂迴、暗示、隱喻嘅程度，分成三部分：「明」、「唔明」、「講極都唔明」，以對應「有話未必可說，可說未必有話，何况未必有話」嘅當下。
