陳豪兩奪視帝 印證冇行錯演藝路

【明報專訊】陳豪憑《破毒強人》奪《萬千星輝頒獎典禮2023》最佳男主角，相隔多年再登視帝寶座。他接受無綫娛樂新聞台節目《星光路上》訪問，回味在太太陳茵媺手上接過獎座份外感動。陳豪說：「係好special，難得由太太頒畀我，其實最想我攞獎嗰個反而係佢（指陳茵媺）。我嘅壓力係……我都想畀一個喜悅佢，但唔敢肯定畀唔畀到佢。最後宣布結果嗰吓我係開心嘅，再開心係能夠喺太太手上攞呢個獎。」

陳豪感謝陳茵媺願意於事業黃金期選擇跟他結婚生兒育女，自覺虧欠太太，「我好支持佢出嚟拍戲，尤其小朋友開始大，想佢追求番自己夢想」。陳豪入行30年，在演藝路經歷高低，透露兩次獲視帝感覺很不同，現在他的目光不僅只在獎項上，最重要是為印證了走上演戲道路是正確的，稱當年憑《溏心風暴》封視帝，有運氣成分。

陳豪又分享要在娛樂圈闖出一片天，信心堅持缺一不可，「娛樂圈係好虛無嘅嘢，能夠闖出一片天空出嚟，可能係10年後，甚至20年後嘅事，睇你自己嘅信心同堅持到幾耐」。

娛樂組