【Emily】促減建築成本 劉國勳伙10團體獻計

【明報專訊】政府公務工程動輒十億元計，例如剛提出嘅北都公路，單係勘查研究費就要11.3億元。民建聯立法會劉國勳噚日聯同10個建造業界團體同發展局官員開會，提出6項建議，主要係減省審批程序同利用科技建築，提出工程要「慳時間、慳成本」。

參與會晤嘅團體包括香港建造業議會、香港建造商會、香港工程師學會、香港建築師學會、香港測量師學會、香港規劃師學會、香港園境師學會、香港建築業物料聯會、香港房地產協會、註冊專門行業承造商聯會。

倡效機場核心計劃設專組部門

劉國勳話政府每年工務工程開支約1200億元，未來仲有北部都會區、交椅洲人工島等大型項目，但業界話近年工程建造時間長、價錢貴，對香港發展響起咗警號。團體提出6項建議，包括檢討《建築物條例》，更新已過時嘅標準、要求及程序。團體又話，政府可仿效當年機場核心計劃設立新機場工程統籌署，設專組部門推動同監督大型計劃。

團體又提出，政府部門應設定時限或服務承諾等，例如可承諾60日內回覆圖則審批決定，如果申請被拒，部