【明報專訊】經民聯立法會議員梁美芬去咗中東阿布扎比，以非政府組織（NGO）代表身分參加世界貿易組織（WTO）部長會議嘅活動，話要去海外說好香港故事。佢噚日喺其中一個議會代表嘅論壇環節揸咪發言，佢話自己一直係WTO嘅支持者，指WTO現時因為國際政治環境轉變而面臨威脅。梁美芬話，WTO角色唔應該只係推動貿易，更有責任促進和平及可持續發展。
梁美芬喺會上同其他國家議會代表交流，呼籲WTO要扮演更積極角色，讓全世界嘅人明白，WTO喺維繫貿易發展及促進和平嘅重要。佢同Emily講，今日會再參加研討會，講解香港情况。
