Emily Online︳政府周六中午藝術館外免費派雪糕 宣傳藝術三月活動 (21:31)

文體旅局為咗迎接「藝術三月」嘅活動，今日（1號）喺Facebook專頁發布短片，話以活動為主題嘅雪糕車喺今個月內嘅四個星期六（即9號、16號、23號同30號），會到各區免費派發雪糕，以宣傳各項藝術活動。帖文提到為咗慶祝香港藝術館62歲生日，康文署明日（周六）中午12點起，會先喺藝術館正門外免費派發雪糕，提醒市民千祈唔好錯過。

帖文亦呼籲市民如果見到雪糕車記得打卡，同埋喺社交平台「@文化體育及旅遊局」，至於雪糕車到時會去邊區，就會喺文體旅局嘅社交平台同網頁公佈。

「藝術三月」喺政府舉辦、資助或支持嘅各項活動所組成嘅品牌，亦喺政府首次用呢個品牌串連各項活動，活動包括有第52屆香港藝術節、2024年巴塞爾藝術展香港展會，同埋首次喺香港舉行嘅潮流藝術文化盛事「ComplexCon」等。