【Emily】唐英年遊故宮 倡減文物借港限制

【明報專訊】全國政協常委、西九文化區董事局主席唐英年（圖左）喺北京準備出席兩會，會議正式召開前夕，佢噚日去咗參觀北京故宮博物院，喺故宮常務副院長婁瑋及香港故宮文化博物館館長吳志華陪同下參觀展覽。

唐英年今年兩會將會提出7份提案，包括文化、內地同香港融合、金融及創科範疇， 當中提到現時喺《中華人民共和國文物保護法》下，外借文物到境外包括香港，有數目、展期及展品規限，佢就建議減少文物外借到香港展覽嘅限制，畀香港成為中國博物館協會成員，加深人才交流同博物館之間嘅合作。