【Emily】楊利偉：不遠將來 港人會參加載人航天

【明報專訊】全國政協委員、中國首名升空太空人、載人航天工程副總設計師楊利偉噚日都喺北京出席政協會議，同接受Emily訪問，佢話國家第四批太空人喺選拔嘅時候已經對港澳開放、有備選對象，喺「不遠的將來」港澳民眾都會參加國家嘅載人航天事業。

中國去年啟動第四批預備太空人選拔工作，並首次喺港澳地區選拔載荷專家。楊利偉噚日提到，整個太空科研站嘅營運期，包括建造期，都有來自香港嘅科研機構和高校參與，話呢啲都係香港參與國家載人航天工程方面嘅貢獻。

全國政協委員、中國首名執行出艙活動嘅女太空人王亞平噚日都話，對於首次喺香港選拔載荷專家「非常期待」。王亞平去年跟隨國家航天團訪港，佢話港澳嘅孩子非常熱情，香港嘅發展日新月異，香港各界對祖國太空事業嘅支持令佢特別感動。