【Emily】陳健波批當年政府無造地 致「2007至2016期間」樓價飈

【明報專訊】前財政司長曾俊華話政府出現結構性財赤，擔心政府要借貸度日。行會成員兼立法會保險界議員陳健波（片段截圖）就話要拆穿對預算案嘅不實批評，話有啲人嘅評論「無講事實嘅全部」。波哥又翻舊帳，話如果當年喺經濟好景、財政儲備不斷增加時，政府肯大力造地，令土地供應充足，咁2007年至2016年期間（即係曾俊華做財爺時期），樓價就唔會飈升至同市民負擔能力脫節，搞到社會問題叢生，?家政府就唔使投放咁多錢喺基建上。

波哥話，香港因為經濟周期上落而出現嘅赤字，現任財爺陳茂波已提出財務整合計劃，加稅唔係主菜，主要控制開支，要公務員零增長，仲要連續3年度各減1％開支，咁可以將每年經營開支平均加7％，降低至中期預測5年平均2.2％，「目的係要確保無結構性赤字」 。

對於曾俊華質疑發債吸引力，波哥不點名話，目前銀行息率已回落，如果政府發債有3％，已大把人爭住買，唔需要擔心。