【Emily】謝偉銓湖南考察睇新車 倡港快引入

【明報專訊】北京開兩會，立法會會議本周因此暫停，建築、測量、都市規劃及園境界議員謝偉銓都北上，但佢話去年已卸任政協，今次係趁唔使開立法會，同多名建測規園界人士去到湖南嘅長沙同株洲市，深度考察三日兩夜。

謝偉銓一行人先去到長沙重型工程機械及車輛生產商三一集團參觀，話呢間公司已經成為全球最大嘅混凝土機械製造商，近年佢哋致力推動智能化同綠色能源應用，工廠仲應用咗好多最先進嘅機械人同智能管理；工廠生產嘅產品，有好多款可以好似手機咁換電嘅電動工程車，以及可隨時加氣嘅氫能重型車。

謝偉銓話，?家香港主要係私家車轉用電動車，但重型車同工程車絕大部分仲係用緊汽油或柴油，話香港都應該加快引入內地嘅新技術同車種。