【Emily】醫局成立工程拓展部 盧國華任總監

【明報專訊】醫管局噚日公布成立工程拓展部，同時委任曾歷任水務署長同渠務署長嘅盧國華（圖）出任工程拓展總監，專責統籌醫管局嘅基本工程項目。醫管局大會早前已討論同通過成立拓展部同委任拓展總監，經過公開招聘程序遴選後，決定委任盧國華掌舵，佢今日正式上任。

醫管局形容盧國華係經驗豐富嘅高級公務員，自大學畢業已投身土木工程界，至今有35年經驗，先後做過水務署長、渠務署長、路政署主要工程管理處長、土木工程拓展署助理署長（行政）、發展局首席助理秘書長（工務）等職務。

醫管局仲話，盧之前任職醫衛局高級顧問（醫院發展計劃）時，亦為多項醫院發展計劃、醫療基建項目嘅管理同推行策略提供意見。醫管局主席范鴻齡同行政總裁高拔陞都祝賀佢獲委新職。