【Emily】醒獅錦標賽港隊失足 打氣聲下再起舞

【明報專訊】「 世界香港夜光龍醒獅錦標賽2024」前日起一連兩日喺紅館舉行，噚日決賽共有8隊醒獅隊一決高下，隊伍來自香港、越南、馬來西亞、新加坡、台北等地。Emily噚日所見，場內有唔少觀眾，佢哋不時為醒獅隊打氣，氣氛熱烈。其間「中國香港獅隊B隊——夏國璋龍獅發展基金」喺跳躍時失足倒下，但佢哋喺觀眾響遍紅館嘅掌聲同叫喊聲支持下，唞咗一陣再上去舞過，最終完成比賽。賽事最後由中國深圳黃連勝醒獅武術團以9.45分贏得冠軍，新加坡及中國香港獅隊A隊則分別獲亞軍同季軍。

（朱安妮攝）