【Emily】鄭泳舜帶港日三鐵運動員行深水埗

【明報專訊】民建聯鄭泳舜（Vincent）等唔少立法會議員都提議過將體育和旅遊結合，Vincent話發展「體育旅遊」目的之一，係希望海外運動員同遊客來港參與賽事或活動時，可順道旅遊參觀。作為大型體育活動事務委員會副主席嘅Vincent（右一），近日邀請咗三項鐵人運動員、杭州亞運金牌得主日本選手尼拿賢治（Kenji Nener，右二起），及港隊三鐵運動員彭詩雅同伍泰龍，去咗深水埗嘅文青cafe飲咖啡、選購皮革布料等。

尼拿賢治今次來港係參加星期日舉行嘅2024三項鐵人世界盃香港站，比賽會喺中環灣仔海濱舉行，屬半奧運距離形式，即包括750米游泳、20公里單車、5公里跑步。Vincent希望運動員了解認識本港文化後，可以一齊說出、說好香港故事，又話「體育+旅遊」並非新概念，希望局方認真探討發展體育旅遊嘅潛力，做好軟硬件配合。