Emily Online | 科大校歌一周年 師生校園食雪糕、大合唱 (20:27)

今日（26日）有架雪糕車駛入香港科技大學賽馬會大堂，因乜解究唔播大家耳熟能詳嘅《藍色多瑙河》？原來架雪糕車係科大為慶祝剛滿「一歲」嘅校歌而精心準備，全日播放音樂盒版本校歌，而任何科大成員只要唱出任何一句歌詞，就可以免費獲得一份雪糕，短短一個下晝已派出過千份雪糕。

校董會主席沈向洋、顧問委員會主席廖長城、校長葉玉如、校董會副主席楊佳錩、校董會成員兼校歌工作小組召集人施熙德、一眾校董會成員同大學管理層，今日與過百名教職員同學生齊聚校園合唱，以歌聲凝聚大學社群。

為慶祝校歌推出一周年，科大呢個星期會舉辦一系列活動，包括禮拜一起一連十日於賽馬會大堂設置小型展覽，介紹校歌同歌詞嘅靈感來源、創作過程同背後故事，等大家更了解校歌蘊藏嘅意義價值。