【Emily】Art Basel來港 曾俊華話當年有出力

【明報專訊】上月「藝術三月」，全港多區都有唔少同藝術有關嘅展覽，其中兩大重點展會係巴塞爾藝術展（Art Basel）同埋Art Central。前財政司長曾俊華就趁復活節假期去咗Art Central，仲自爆當年佢喺政府工作時，與同事大力鼓勵貿發局搵地方協助Art Basel喺香港舉行展覽，最後香港成功爭取成為繼美國邁阿密之後，全球第二個舉行Art Basel嘅地方。

曾俊華仲去咗位於中環嘅「俠之大者——金庸百年誕辰紀念．任哲雕塑展」，佢分享話細個時每日都會揭開報紙追讀金庸嘅小說，仲會將之剪低集結成自製嘅「金庸小說」；當佢去到美國，先至再認真細讀，形容金庸小說係佢喺美國成長時期嘅「精神食糧」。佢話金庸在生時喺展覽同佢碰過面幾次，又話同金庸太太算熟絡，因為好多安排都係透過查太。