【Emily】局長搵任達華拍片 宣傳周日全港戲院日

【明報專訊】第42屆香港電影金像獎得獎名單噚日揭曉，大家支持電影，最實際行動梗係入戲院捧場。政府同業界合作將4月21日（周日）定為「全港戲院日」，文化體育及旅遊局長楊潤雄搵藝人任達華喺戲院拍短片，楊潤雄分身演唔同角色，一齊宣傳活動，話喺4月17日（周三）中午後，大家可到各大戲院網站或院線購買戲票，票價有補貼，只售30元。

除咗任達華，當局仲請到演員陳家樂做活動大使，仲有Jeffrey魏浚笙、鄧麗欣、林峯、周秀娜等藝人幫手呼籲，叫大家記得買飛支持佢哋。