【Emily】何永賢話小學時就想做外交官

【明報專訊】投資推廣署及香港歐洲商務協會等噚日舉辦「Greenway 2024: The Dialogue」，討論環境保護、零排放等方面嘅工作，特首李家超等官員出席活動，其中房屋局長何永賢（圖）喺會上提到，佢讀小學時已經想成為外交官，仲話希望香港可以繼續成為「聯繫人」，聯繫中國與世界。

何永賢噚日出席活動時分享，小學時期已經想成為外交官，推廣香港同國家之間關係，仲話覺得「going green」好重要，期望香港能夠繼續喺呢個方向發展。此外，佢亦分享香港房屋嘅近期發展，包括簡約公屋同過渡房屋最新進展，佢話，有信心喺2026/27年度前達成興建3萬個簡約公屋單位嘅目標，而計劃喺明年落成嘅2.1萬個過渡房屋單位，今年將完成90%。