【Emily】5月盛事 睇法國藝術行酒展

【明報專訊】政府近期積極推動盛事經濟，噚日喺社交平台「添馬台」宣傳5月份一系列活動，包括法國五月藝術節、包山嘉年華及Vinexpo Asia活動。

法國藝術節M+合辦攝影展 仲有包山嘉年華

第31屆法國五月藝術節喺5月至6月舉行，並首度與M+合作舉辦「黑白─攝影敘事」展覽，於M+地下大堂展廳展出過百張法國國家圖書館及M+珍藏嘅黑白照，市民需購票入場。另外，中環「大館」檢閱廣場喺本月11至13日、15至19日，會有法國當代雜技團XY劇團嘅雜技演出《Möbius in May》以及親子馬戲工作坊，免費入場。

至於包山嘉年華2024，搶包山決賽會喺5月15日晚上11時30分至翌日凌晨零時45分舉行，除此之外，本月5日亦有攀包山隊際接力賽、攤位遊戲及手工藝製作等活動，以上活動都會喺長洲北帝廟遊樂場足球場舉行。

Vinexpo Asia本月28至30日早上9點30分至下晝6點30分於會議展覽中心舉行，展出各款新葡萄酒及烈酒，以及舉辦為業內人士而設嘅國際教育計劃「Vinexpo學院」活動，市民必須預先網上報名。