【Emily】教局推放榜專頁 助DSE生覓出路

【明報專訊】中學文憑試（DSE）喺7月17日放榜，教育局噚日推出「中六學生資訊專頁」（www.edb.gov.hk/s6） ，提供有關多元出路如大學聯招（JUPAS）、海外升學同就業等資訊，以及各項支援措施同輔導服務資料。

輸入預期成績 搜可讀課程

學生可以透過電子工具「e導航」輸入預期或考獲嘅文憑試成績，搜尋符合相應最低入學要求嘅本地院校課程，包括學士學位、副學位、應用教育文憑課程，訂立個人專屬升學計劃。另外，專頁整理各大院校資訊日同家長講座嘅日期，方便學生、家長、學校記低時間。

專頁又會適時更新「2024文憑試及放榜提示」資訊圖表，當中包括由教育局、考評局、大學聯招處及其他非政府組織所提供嘅最新資料，遲啲仲會公布放榜清單，同埋輔導及支援服務。