【Emily】容永祺嫁女 政協人代對親家

【明報專訊】港區全國政協委員容永祺嘅女兒前晚出嫁，原來佢嘅親家係港區全國人大代表、證監會主席雷添良。政協委員同人代對親家，婚宴當晚冠蓋雲集，多名現任及前任人代及政協，以及唔少商界人物到賀。

現場所見，多名立法會議員如梁美芬、陳勇、吳永嘉、陳仲尼、黃英豪、陳曼琪，身兼人代嘅科大校長葉玉如，人代陳帆、鄺美雲及林至穎，以及政制及內地事務局前局長譚志源等人都有出席。眾人與容永祺及雷添良合照，恭喜二人，並為一對新人送上祝福。