【Emily】台灣新聞攝影大賽 明報記者得獎

【明報專訊】2024台灣新聞攝影大賽噚日公布結果，部分本港攝記獲獎，其中本報攝影記者鄧家烜奪得一般新聞類第一名。2023年係六四事件34周年，亦係放寬新冠防疫措施後首個六四。廣東社團總會等早喺5月宣布，喺當年6月3至5日租用維園硬地足球場及草地搞「家鄉市集」活動。昔日支聯會每年搞燭光集會嘅足球場就輪流維修，當年5月，攝記鄧家烜去維園觀察，捕捉到部分足球場被膠板圍封，咁啱一隻鴿子企喺膠板外嘅一刻。呢張相早前亦奪得2023年香港最佳新聞獎最佳圖片（特寫組）優異獎，今次就獲台灣嘅行家嘉許。