【Emily】無創產檢之父盧煜明再奪國際大獎

【明報專訊】有「無創產前檢測之父」之稱嘅中大醫學院副院長（研究）盧煜明最近獲頒「希門尼斯-迪亞斯講座獎」（Jiménez Díaz Lecture Award），以表彰佢發現母體血液中游離嘅胎兒DNA，同埋游離DNA可作為檢測癌症等其他疾病嘅非侵入性生物標誌物等方面嘅巨大貢獻，亦成為首位獲頒呢個獎嘅華人學者。

頒獎儀式上星期二（21日）喺馬德里希門尼斯．迪亞斯基金會大學醫院舉行，大會主題係「游離DNA的當前和未來應用」。盧煜明並以「無創血漿DNA檢測：從夢想到成真」為題發表紀念演講，佢提到當從表面風馬牛不相及嘅事物中睇到彼此關聯時，突破隨即會發生，就好似佢係睇到癌症同懷孕之間嘅共通點後，就喺分子診斷研究上取得重大進展。