【Emily】橫濱香港杯龍舟賽 龍舟總會奪標

【明報專訊】下周一端午節，噚日香港各處已聽到舟鼓聲，唔止香港有龍舟賽，日本都有競賽活動。日本橫濱龍舟競賽始於1994年，今年吸引約130支隊伍參賽，賽事6月1日及2日舉行，其中噚日舉行嘅香港杯龍舟賽，由香港駐東京經濟貿易辦事處贊助，結果中國香港龍舟總會戰勝其餘27支勁旅，奪標香港龍舟杯。

經貿辦喺賽事會場設攤位，向公園遊人及賽事觀眾介紹香港，又鼓勵佢哋嚟香港親身睇吓。經貿辦話希望透過龍舟賽促進兩地文化交流，並加深日本各界對香港嘅認識。