【Emily】酒店餐飲業倡設大數據平台分析旅客

【明報專訊】政府近來推崇盛事經濟，文體旅局4月中開始亦就《香港旅遊業發展藍圖2.0》（下稱《藍圖2.0》）諮詢業界。立法會議員容海恩噚日聯同一班酒店餐飲嘅業界人士會見傳媒並提出建議，容議員提出制定中長期旅遊發展策略、建立「旅遊大數據平台」分析旅客消費行為、完善旅遊配套支持同加強宣傳等7個建議；佢又話暑假將至，政府應更有策略咁吸引旅客來港遊玩，做好相關配套，及早推出《藍圖2.0》制定系統性嘅產業發展規劃，以加強跨部門協調，做到「搶旅客」目標。

與會代表普遍覺得本港旅遊業復蘇有「良好勢頭」，但仍有唔少挑戰，希望政府同業界共同努力，實現旅遊業高品質發展，佢哋亦提出發展綠色深度遊、數字化轉型等建議。