【Emily】名牌威士忌中環開店 投資署：明智

【明報專訊】蘇格蘭知名威士忌品牌The Macallan喺中環開設高級零售概念旗艦店，噚日正式開幕。投資推廣署話，項目係呢個品牌基於香港作為亞洲奢華品牌樞紐而作出嘅長遠投資。該品牌經營公司Edrington北亞區董事總經理Jaime Martin話，對世界各地而言，香港係一個奢華品牌嘅重要據點，開旗艦店「是品牌對香港的長遠投資及對其歷史根源的肯定」。

位於中環士丹利街嘅The Macallan House香港旗艦店設有3層零售區，佔地6000平方呎，提供5個特色區域，包括專屬零售區、餐飲及展覽區、專屬禮賓服務及娛樂休息室、高級酒吧、陳列室。

投資推廣署長劉凱旋話，The Macallan喺香港開旗艦店，畀本地威士忌愛好者、嚟自世界各地嘅旅客帶嚟又一高級品牌選擇，「對The Macallan來說肯定是明智之舉」。