【Emily】波蘭領館開PO紀念6·4首民主選舉

【明報專訊】35年前嘅春夏之交除咗改寫中國近代走勢，1989年6月4日對千里之外嘅波蘭都有歷史意義，當年波蘭議會首次舉辦部分自由直選，其後波蘭走向共和，推倒蘇聯鐵幕。波蘭駐港總領事館噚日喺社交網站出帖重提呢段歷史，話「If history taught us anything, it is that we cannot take freedom for granted（如果歷史教曉我哋任何事，就係我哋不能將自由視為理所當然）」。

今年係波蘭議會呢場歷史性選舉35周年。波蘭駐港總領事館話，6月4日對波蘭人民而言，係慶祝民主進程同反思嘅日子，令大家再向前人嘅奮鬥致敬，同再次堅持民主、自由、人權嘅價值。

波蘭議會2013年通過動議，將6月4日列為自由同公民權利紀念日，紀念呢場意義重大嘅選舉。