【Emily】員佐級會林志偉三度冧莊 話爭侮辱公僕罪立法

【明報專訊】警察隊員佐級協會（JPOA）噚日舉行新一屆就職典禮，第三度連任協會主席嘅林志偉致辭話，協會未來工作重心之一係推動保障同捍衛執勤公職人員嘅尊嚴，強調會「堅持不懈爭取成立侮辱公職人員罪」。佢話，過去嘅社會動亂令推動立法嘅工作暫停，相信政府內外已經過充分討論及有一定共識，認為?家係適當時候爭取成果。

自2018年起出任協會主席嘅林志偉話，如無意外會係佢最後一屆做主席，又話有人問過佢，點解佢喺協會工作剩番嘅日子唔多，仲要提出多個新工作目標，佢就話「我哋從事協會工作同政客唔同，我哋求嘅唔係成功爭取帶嚟嘅光環，而係會員同事實際得到幫助」。

警務處長蕭澤頤致辭話，隨住國安法同23條實施，警隊需要肩負更重要嘅責任去護國安，強調無論係發掘同挽留人才、資源配置等方面，管理層都會盡力制定合適嘅政策。